ДУИ поднесе иницијатива за распуштање на Собранието
МИА Коментари (0)
08.04.2008 13:35

Демократската унија за интеграција денеска официјално поднесе иницијатива за самораспуштање на Собранието.

Иницијативата потпишана од пратениците на ДУИ до собраниските служби ја достави потпретседателот на партијата Рафиз Алити.

ДУИ пратеникот Џевад Адеми, очекува иницијативата да ја поддржат и други парламентарни партии, не прецизирајќи дали веќе имаат најави оти зад нивниот предлог ќе застанат 61 пратеник, колку што е потребно за распуштање на Собранието.

Во образложението на иницијативата за самораспуштање на Парламентот, се вели дека Македонија минува низ важен период во кој треба да се дејствува рационално.

Сите овие процеси како решавањето на несогласувањата со Грција, исполнувањето на политичките критериуми и европската агенда бараат ангажирање и функционирање на институциите со полн капацитет. Бидејќи овие работи во Македонија недостасуваат и земајќи ја предвид општата политичка состојба во земјата, ДУИ се залага за распуштање на Собранието и за предвремени избори, стои во образложението.


Нема да ме изненади ако најдат доволно броеви пратеници да ја поздржуваат оваа иницијатива. Ова можи лесно да помини.

Веке испланирано сценарио. Откако другите парламентарци нема да се согласат, ке постапат исто како и ДПА пред некое време, и ке почнат со бојкот. Време за војна?

Ако за војна дојде, ние однапред треба да подготвиме плати за идните терористи